Kinumpirma ng Bureau of Immigration (BI) ang pagkakasawi ng Chinese national na si Li Ming, alias Chujian, 33, habang nasa kustodiya ng BI Warden Facility sa Muntinlupa City at sumasailalim sa deportation proceedings.
Napag-alaman kay BI spokesperson Dana Sandoval na batay sa records, ang banyaga ay dumating sa bansa noong October 29, 2019.
Sa kanyang ulat, sinabi ni BI Intelligence Division (ID) chief Fortunato ‘Jun’ Manahan, Jr. na ang Chinese national ay dinakip ng ID operatives ng Tacloban City, Leyte noong April 2025 at nanatili sa BI custody mula noon, habang nakabinbin ang kanyang deportation order.
Di pa umano nade-deport si Li dahil nahaharap ito sa isang kriminal na kaso sa bansa.
Napag-alaman na 8:11 p.m. noong May 28 nang matagpuang walang malay ang detainee sa loob ng holding area ng isang person deprived of liberty (PDL),na siyang nag-alerto sa facility personnel.
Dakong 8:15 p.m. ay sinabi ng facility nurse na mahina na ang pulso ng Tsino kaya’t ginawan ito ng emergency medical procedures, kasama na ang cardiopulmonary resuscitation (CPR).
Inilipat ito sa ospital dakong 8:30 p.m. kung saan siya idineklarang ‘dead on arrival.’
Ani Sandoval, “there are no indications of foul play, and no external injuries have been reported. While the official Medical Death Summary (MDS) and autopsy findings are still being awaited, initial assessments point to a suspected cardiac arrest as the cause of death.”
Wala din umanong medical conditions on record ang detainee at pinarating na ito ng BI sa Embassy of the People’s Republic of China.
“The BI is coordinating closely with embassy officials concerning the necessary arrangements and documentation, even as it continues to provide the necessary assistance and information regarding the case. The BI management, she added, expresses its deep sadness over the unfortunate incident and extends its condolences to the family and loved ones of the deceased,” ani Sandoval.
Dagdag pa niya: “The Bureau remains committed to upholding the welfare, safety and dignity of all individuals under its custody. It continues to ensure that persons deprived of liberty (PDLs) are provided with good and humane living conditions in accordance with established human rights standards and custodial protocols and assures the public that it is exerting every effort to safeguard the well-being of all individuals under its care and supervision.”
