Alinsunod sa direktiba ni President Ferdinand R. Marcos, Jr. na paigtingin ang border protection at anti-drug campaign, inanunsiyo ng the Bureau of Customs – Ninoy Aquino International Airport (BOC-NAIA) na sa pakikipag-ugnayan sa Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG), ay nakasabat ito ng limang ‘unclaimed inbound parcels’ na naglalaman ng dangerous drugs na nagkakahalaga ng P21,405,900 saCentral Mail Exchange Center (CMEC) sa Pasay City.
Ang nasabing parcels ay idineklara bilang consumer items gaya ng outdoor wall lamp, bag, digital media discs, merchandise at libro at isinailalim sa examination dahil sa suspicious indicators.
Batay naman sa physical inspection, ang parcels ay naglalaman ng 2,928 grams ng methamphetamine hydrochloride (shabu) na may halagang P19,910,400 at 997 grams ng high-grade marijuana (kush) na nagkakahalaga ng P1,495,500.
Naiturnover na ang mga nasabat na items sa PDEA para sa proper disposition at malalimang imbestigasyon.
Ang kaso ay paglabag sa Republic Act No. 9165 (Comprehensive Dangerous Drugs Act of 2002, as amended) at Republic Act No. 10863 (Customs Modernization and Tariff Act).
Pinuri ni BOC Commissioner Ariel F. Nepomuceno ang kagalingan ng BOC-NAIA personnel sa ilalim ng pamumuno ni District Collector Atty. Yasmin O. Mapa: “These interceptions reflect the Bureau’s sustained efforts to detect and prevent the entry of illegal drugs through postal and courier channels. We remain resolute in protecting our borders and the welfare of the public.”
Ayon naman kay Mapa, “Through strengthened inspection measures and close coordination with partner agencies, BOC-NAIA continues to ensure that mail and cargo facilities are not exploited for illegal activities.”
“This operation reinforces the Bureau’s unwavering commitment to enforce customs and anti-drug laws in support of the national government’s campaign to protect the Filipino public,” dagdag pa ni Mapa.
