Alinsunod sa direktiba ni President Ferdinand R. Marcos, Jr. na palakasin ang kampanya laban sa iligal na droga, inihayag ng Bureau of Customs – Ninoy Aquino International Airport (BOC-NAIA) ang pagkakasabat ng isang papasok na parcel na naglalaman ng iligal na droga na nagkakahalaga ng P480,400 sa Pasay City nitong January 16, 2026, sa pakikipagtulungan ng Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG).
Ang parcel ay idineklara bilang accessories at candies at nang isailalim sa physical examination matapos makitaan ng mga kahina-hinalang indicators, natagpuan ang may 320 grams ng dried marijuana (kush) gayundin ang walong vape cartridges na naglalaman naman ng cannabis oil.
Ang mga nakumpiskang items at claimant ay nai-turn over sa PDEA para sa kaukulang disposisyon at inquest proceedings para sa paglabag sa Republic Act No. 9165 (Comprehensive Dangerous Drugs Act of 2002, as amended) at Republic Act No. 10863 (Customs Modernization and Tariff Act).
Pinuri ni BOC Commissioner Ariel F. Nepomuceno ang BOC-NAIA personnel na pinamumunuan ni District Collector Atty. Yasmin Mapa at aniya, “this interception underscores the Bureau’s continued efforts to detect and prevent the entry of illegal drugs through postal and courier channels. We remain firm in safeguarding our borders and protecting the public.”
Tiniyak naman ni Mapa na, “Through strengthened inspection measures and close coordination with partner agencies, BOC-NAIA continues to ensure that mail facilities are not exploited for illegal drug activities.”
Ayon pa kay Mapa, ipinakikita ng nasabing operasyon ang commitment ng bureau sa pagpapatupad ng customs at anti-drug laws bilang pagtalima sa national government campaign na bigyang proteksyon ang kaligtasan ng publiko.
