NASA P19-M halaga ng hinihinalang smuggled cigarettes ang nasabat ng Bureau of Customs (BOC) – Collection District XII matapos na idiskarga ito sa isang pantalan sa Sta Cruz Davao del Sur mula sa isang motorized banca .
Sa ulat na isinumite ng BOC-Collection District XII (Davao, General Santos, Parang, Mati) Custom Commissioner Bienvenido Rubio, kinumpiska ng kanyang mga tauhan ang may 499 master cases na naglalaman ng 24,950 reams ng puslit na sigarilyo ang ginamit na motorized banca sa pagbiyahe nito.
Lumilitaw na nagsasagawa ng pagpapatrulya ang e BOC Water Patrol Division (WPD) sa gulf of Davao Coast nang mamataan nila ang isnag low-lying kneel banca “MV Amiesha” na may kahina hinalang kargamento na tinatakpan ng tarpaulin.
Nang magsagawa ng inspection ay walang maipakitang dokumento ang mga tripulante ng lantsa para sa karga nilang mga hinihinalang smuggled cigarettes.
“The master cases of cigarettes were then seized in violation of Section 117 of R.A. 10863 or the “Customs Modernization and Tariff Act (CMTA) of 2016 in relation to Executive Order Number 245 entitled “Amended Rules and Regulations Governing the Exportation and Importation of Leaf Tobacco and Tobacco Products,” ayon sa ulat.
Agad namang naglabas si District Collector Erastus Sandino Austria ng Warrant of Seizure and Detention (WSD) laban sa mga iligal na kontrabando.
Ayon kay BOC District XII Collector, mahigpit lamang nilang ipinatutupad ang priority programs ni Customs Commissioner Bienvenido Rubio na masawata ang anumang uri ng smuggling kaugnay sa economic agenda ni President Ferdinand Marcos, Jr.
“BOC continues to strengthen its border protection measures to guard the public welfare against smuggled contraband and to prevent revenue leakages caused by illegal importation,” pahayag ni Rubio. (VICTOR BALDEMOR RUIZ)
