PINAG-AARALAN ng lokal na pamahalaan ng Capas, Tarlac ang pagsasampa ng kaso laban sa Bases Conversion and Development Authority (BCDA) at Clark Development Corporation (CDC) oras na tuluyan nilang ipinasara ang Kalangitan Sanitary Landfill sa buwan ng Oktubre, kung walang “alternative” waste facility na ipapalit dito,.
Inihayag ng Pamahalaang- Lunsod ng Capas na mapipilitan silang magsampa ng kaso laban sa BCDA at CDC, na una nang nagpahayag na itutuloy ang pagpapatigil sa operasyon ng 100-hectare waste facility na pinakikinabangan ng mahigit 120 LGUs sa Central Luzon, gayundin sa ilang parte ng Pangasinan at Benguet sa Hilagang Luzon.
“We are contemplating to file a case, if we find sufficient legal basis, and seek the issuance of a Writ of Kalikasan because the closure of the landfill may cause disaster in our waste management and there are no clear guidelines on how the area will be decommissioned as a landfill,” ani Capas Mayor Rodriguez.
Si Rodriguez, kasama ang Capas Sangguniang Bayan (SB), ay nakikiusap sa BCDA at CDC na palawigin pa ang paggamit sa Kalangitan Sanitary Landfill dahil tiyak na magkakaroon umano ng problema sa waste management hindi lamang sa bayan ng Capas kundi maging sa buong Central Luzon at parte ng Northern Luzon regions, sakaling ipasara ito.
“There is not a single sanitary landfill that is compliant and could accommodate the daily waste disposal of both regions. It will definitely take years before such a facility could efficiently accommodate such huge tonnage and volume of daily wastes”, ayon sa alkalde.
Sinabi pa ng Punong Lungsod na, “The collateral effect of this irresponsible and disjointed plan of BCDA is we will be losing revenue amounting to more or less 25M a year in terms of taxes and internal revenue allotments derived from the operations of the landfill including savings in waste management disposal expenses”.
Noong Mayo 20, sa ginanap na hearing sa Sangguniang Bayan, ang BCDA sa ipinadala nitong representante na si Daryll Garcia, ay nagsabi na walang malinaw na alternatibo sa ‘impending closure’ ng Kalangitan Sanitary Landfill.
Nauna rito, mahigit sa 122 LGUs sa Central Luzon partikular na sa Bataan, Bulacan, Nueva Ecija, Pampanga, Tarlac, Zambales at Pangasinan at Benguet, ang nagsabi na ang pagpapasara ng Kalangitan Sanitary Landfill na nasa ilalim ng operasyon ng Metro Clark Waste Management Corporation (MCWMC), ay sigurado umanong magdudulot ng “severe environmental, health and crisis.”
Ang MCWMC engineered sanitary landfill sa Kalangitan ay kasalukuyang pinaglilingkuran ang nasa 160 local government units (cities and municipalities) sa Central Luzon kabilang na ang key cities at provinces ng Northern Luzon.
“Millions of residents in both of these regions who currently benefit from the presence of an engineered waste disposal facility that they can call their own—will soon face a widespread garbage crisis that would quickly result in sanitation and health problems including environmental issues,” ayon pa sa mga apektadong LGUs.
