Hindi nagsumite ng kanyang counter- affidavit kaugnay sa dalawang kasong murder ang suspendidong Bureau of Corrections director general Gerald Bantag dahil sa pagkakamali ng Department of Justice (DOJ) sa kanyang middle name.
Ayon kay Atty.Rocky Balisong,legal counsel ni Bantag ang middle name nito ay “Quitalig” at hindi “Soriano.”
Sanhi nito ,pinayagan ni Senior Assistant State Prosecutor Charlie L. Guhit, miyembro ng three-person panel na makapagsumite si Bantag ng.kanyang counter- affidavit sa Disyembre 5.
Si Bantag ay kinasuhan “as principal by inducement” sa.dalawang kasong murder kaugnay sa pagkamatay ng radio commentator na si Percival “Percy Lapid” C. Mabasa at inmate Cristito Villamor Palana, na kinilala ng self-confessed gunman Joel S. Escorial na middleman sa pagpaslang kay Lapid noong Oktubre 3.
Sa naganap na pagdinig, ang abogado lamang nito na si Balisong at mga
Kapwa respondents na persons deprived of liberty (PDLs) ang dumalo sa video conferencing, habang si BuCor Deputy Security Officer Ricardo S. Zulueta, na kinasuhan rin bilang “principal by inducement,” ay wala sa pagdinig.
Walang nagsumite ng counter-affidavit sa pagsisimula ng preliminary investigation.
Bukod kina Bantag at Zulueta,kabilang sa mga respondents sina BuCor PDLs Denver Batungbakal Mayores, Alvin Cornista Labra, Aldrin Micosa Galicia, at Alfie Penaredonda. (Arsenio Tan)
