Dahil sa walang tigil na alarm ng kanyang cellphone, nadiskubre kahapon ng umaga sa Sampaloc, Maynila na wala nang buhay ang isang 26-anyos na quality control officer.
Kinilala ni PSSg Zoilo Nazario, imbestigador ng Manila Police District -homicide section, ang biktimang si Zyrus Abejo, ng 928-B Sisa St.Sampaloc,Maynila.
Ayon sa Ina ng biktima,alas- 5 ng umaga nang marinig niya na na nag-alarma ang cellphone ng anak habang nagluluto
Nagtataka umano siya kung bakit patuloy ang pag -alarma ng cellphone ng biktima makalipas ang mahigit isang oras kaya kinatok niya na ang dingding sa kuwarto ng anak pero hindi pa rin sumasagot , dahilan para silipin na niya ito sa kuwarto.
Laking gulat niya nang makita ang anak na matigas na at wala nang buhay kaya’t ini-report niya ito sa barangay.
Huli umano niyang nakitang buhay ang anak alas-10 ng gabi bago ito matulog.
