Sa tulong Philippine Air Force assets, na-recover na ng binuong search, rescue and retrival team ang bangkay ng piloto ng nawawalang Piper Plane sa Isabela.
Ayon sa ulat na isinumite sa tanggapan ni PAF Commanding General Stephen Parreño, matagumpay na na-air lift at nadala ang bangkay ng piloto sa Tactical Operation Group 2 sa Cauayan City Isabela.
Ito ay matapos na matunton at malapitan ng isang PZL W-3A Sokol at isang Huey II chopper ng PAF na ginamit sa Search and Rescue Operations para sa nawawalang Piper Cherokee commercial plane RP-C1234 ang wreackage sa Barangay Casala, San Mariano, Isabela.
Ayon kay Col Ma. Consuello Castillo , PAF Spokesperson, gamit abg PZL W-3A Sokol helicopter ay nag- insert sila ng dalawang K9 dogs kasama ng kanilang apat na handlers , isang Disaster Action and Response Team (DART) 831, at limang tauhan ng Bureau of Fire Protection (BFP) personnel, para magsagawa ng Ground Search and Rescue mission sa nawawalang lone passenger.
“The PAF’s contributions to the ongoing search and rescue efforts of the PDRRMO IMT are made possible through the leadership and supervision of Tactical Operations Wing Northern Luzon (TOWNOL),” ani Col Castillo.
Pinamumunuan ito nina Wing Commander BGEN DENNIS G ESTRELLA PAF at Tactical Operations Group 2 s ailalim ng liderato ni COL GLENN PIQUERO PAF (GSC). Habang ang ginamit na Search and rescue aircraft ay nagmula naman sa 505th Search and Rescue Group na pinamumunuan ni COL NOMER TUMESA PAF (MNSA).
