INUMPISAHAN na ang balasahan sa mga pangunahing posisyon si National Bureau of Investigation (NBI) ni Director Medardo De Lemos upang mas maging epektibo umano ang ahensya sa kanilang gawain sa pag-iimbestiga at ‘intelligence functions’.
Itinalaga ni De Lemos si Deputy Director Antonio Pagatpat bilang bagong Deputy Director for Administration (DDA) habang si Assistant Director Jose Justo Yap ay itinalaga naman bilang Officer-in-Charge ng Office of the Deputy Director for Operations (OIC-ODDO).
Sinabi ni De Lemos na ang pagbabago sa kanilang istruktura ay nakabase sa bagong NBI Modernization and Reorganization Law o ang R.A. 10867.
Itinalaga naman si Jose Doloiras bilang Assistant Director for Investigation Service (ADInvS); ARD Roel Bolivar bilang Officer-in-Charge ng Office of the Assistant Director for Intelligence Service (OIC-OADIntS) habang si Dr. Rommel Papa ay inilagay na Officer-in-Charge ng Office of the Assistant Director for Forensic and Scientific Research Service (OIC-OADFSRS).
Inilagay si Vicente De Guzman III bilang Assistant Director for Comptroller Service (ADCS); Atty. leo Edwin Leuterio bilang Assistant Director for Human Resource and Management Service (ADHRMS); Atty. Rustico Vigilia bilang Officer-in-Charge ng Office of the Assistant Director for Legal Service (OIC-OADLS); habang si ARD Victor Lorenzo ay inilagay na Officer-in-Charge ng Office of the Assistant Director for Information and Communications Technology Service (OIC-OADICTS).
Binalasa rin ni De Lemos ang mga Regional Directors. Inilipat niya si ARD Rommel Vallejo bilang Acting Regional Director (RD) ng National Capital Region (NCR), Atty. Janet Franciscobilang RD ng Cordillera Administrative Regional Office (CAR); Hector Eduard Geologo bilang RD ng Ilocos Regional Office (IRO); Arcelito Albao bilang RD ng CagayanValley Regional Office (CAVRO).
Si ARD Eleanor Rachel Angeles bilang RD ng Central Luzon Regional Office (CELRO); Angelito Magno bilang RD ng CALABARZON, ARD Ferdinand Lavin bilang Acting RD ng MIMAROPA Regional Office, ARD Olivo Ramos bilang Acting RD ng Bicol Regional Office (BRO), Manuel George Jularbal bilang RD ng Western Visayas Regional Office (WEVRO), Rennan Augustus Oliva bilang RD ng Central Visayas Regional Office (CEVRO), Emeterio Dongallo bilang RD ng Eastern Visayas Regional Office (EVRO).
Itinalaga si Moises Tamayo bilang Acting RD ng Western Mindanao Regional Office (WEMRO), Patricio Bernales bilang RD ng North Eastern Mindanao Regional Office (NEMRO), Gelacio Bongngat bilang RD ng South Eastern Mindanao Regional Office (SEMRO), Claro De Castro Jr. bilang RD ng Central Mindanao Regional Office (CEMRO), Sally Hans Barbaso bilang Acting RD ng CARAGA Regional Office at Victor John Paul Ronquillo bilang RD ng BARMM Regional Office. (JERRY S. TAN)
