Arestado ng mga nagpapatrulyang pulis-Maynila ang isang snatcher na nanghablot ng cellphone ng isang empleyada,kahapon ng umaga sa kanto ng Ramon Boulevard at V. Mapa Streets sa.Sta.Mesa, Maynila.
Binitbit nina PCpl. Jeselou Senarlo at Pat. John Mark Vallejo,nakatalaga sa Mobile Car -19 District Tactical Motorized Unit (DTMU), ang suspek na si Dominic Biron, miyembro ng Bahala na Gang at taga-2970 F. Manalo St., Punta, Sta. Ana, Maynila.
Sa reklamo ni Melliza Atuenza, 29, ng .Manalo Street, unta Sta. Ana, Maynila naglalakad siya alas-10:30 ng umaga sa nabanggit na lugar nang hablutin ng suspek ang kanyang cellphone.
Nakita ni Anthony Arrieta ,48 at Garydel Navasero,41, ang ginawa ng suspek kaya nang makita nila ang mobile car ay kaagad nila itong pinara at isininumbong ang ginawa ng suspek.
Kaagad namang hinabol ng dalawang pulis ang suspek at nakorner ito kaya naaresto.
Nabawi ang cellphone ng biktima na nagkakahalaga ng.P5,000.
Sinampahan ng kasong robbery ang suspek sa Manila Prosecutor’s Office. (CARL ANGELO)
