TULOY na ang pagbibigay ng ayuda sa mga drivers at operators matapos aprubahan ng Commission on Elections (Comelec) ang kahilingan ng Land Transportation Franchising and Regulatory Board (LTFRB) na mai-exempted ito sa election public spending ban.
“We granted the petition of the LTFRB as regards to the fuel subsidy program,”ayon kay Commissioner George Erwin Garcia sa isang press briefing.
Gayunman, sinabi ni Garcia na ito ay may mga kaakibat na kondisyon gaya ng istriktong implementasyon sa programa.
“However, the grant of the petition to LTFRB is subject to the strict implementation of the program, resubmission of information on how the project will be implemented, the parameters of implementation, and especially the specific target beneficiaries on how they will apply to avail of the grants of the program, and likewise subject to submission of the different departments that would be implementing the said program of the LTFRB — from the Department of Agriculture to the [Department of Social Welfare and Development] and such other departments,” paliwanag ni Garcia.
Sinabi ni Garcia, dapat ma hintayin muna ng LTFRB ang resolusyon ng Comelec upang makatalima sila sa mga naturang kondisyon.
Una nang hiniling ng LTFRB sa Comelec na mabigyan ng exemption sa spending ban ang isinasagawa nilang pamamahagi ng fuel subsidy sa may 377,000 PUV operators at drivers na apektado ng patuloy na pagtaas ng presyo ng mga produktong petrolyo sa bansa.
Nalaman na may P2.5 bilyon ang pondong inilaan ng pamahalaan para sa ayuda ng mga drivers at operators
Ito ay itinigil muna ng LTFRB ang pamamahagi ng ayuda hanggang walang ipinalalabas na resolusyon ang Comelec.
Sinimulan noong Marso ang pagkakaloob ng pamahalaan ng P6,500 fuel subsidies para sa 377,000 qualified PUV drivers at operators para matulungan sila sa harap ng tumataas na presyo ng produktong petrolyo.
