NANGUNA ang First Scout Ranger Regiment (FSRR) team sa kauna-unahang edisyon ng Katihan Patrol sa ginanap na paligsahan sa idinaos na closing ceremony sa Camp Tecson, San Miguel, Bulacan.
“The diverse activities that transpired in our Katihan Patrol were not only integral to the development of our soldiers but have also served as a platform to test, evaluate and enhance the operational capabilities of our tactical units in various competencies,” ayon kay Army Vice Commander Maj. Gen. Leodevic B. Guinid.
“With the Katihan Patrol’s constructive simulation of scenarios, we aimed to determine the teams’ readiness in support of our Land Defense Concept,” pahayag pa ni Maj. Guinid sa kanyang inihatid na mensahe mula kay Army Chief Lt. Gen. Roy M. Galido.
Ang FSRR Team ay may kabuuang 88% rating na sinundan ng 2nd Infantry Division Team na naka score ng 82.50% at ang Army 5th Infantry Division Team na nakalikom ng 82.20%.
Ang tatlong nabanggit na team ay pinagkalooban ng Silver Medal Award na ipinagkaloob sa mga unit na nakakuha ng overall scores na 80% hanggang 89% at hindi bababa sa 55% sa anumang single assessed task.
Sa pamamagitan ng Katihan Patrol 2024 ay nasusukat ang operational capabilities ng 153 tauhan mula sa iba’t ibang Philippine Army units sa pamamagitan ng demanding 50-kilometer patrol exercise na sumasaklaw sa rugged terrain ng Bulacan.
Halaw ang nasabing assessment exercise sa United Kingdom’s Exercise Cambrian Patrol, kung saan inihahanda ang tactical units ng Hukbong Katihan na hindi nalalayo sa mga allied forces sa buong mundo na sumasali sa international military training activities and exercises.
Ang anim na araw na Katihan Patrol ay sumusubok sa kakayahan ng mga kasapi sa military briefing, close-quarter battle (CQB), prisoner of war (POW) handling, chemical, biological, radiological and nuclear (CBRN) defense, reconnaissance patrol, river crossing, patrol base operations, call for fire procedures, land mine breaching and explosive identification, tactical combat casualty care, jungle raid at marksmanship skills.
