Binalikan ng netizens ang interbyu ni Kuya Boy Abunda noon sa programa nito sa ABS-CBN na may kinalaman sa nababalitang boyfriend ngayon ni Cristine Reyes na si Marco Gumabao.
May game kasi si King of Talk kay Cristine tungkol sa sinong lalaking artista ang kanyang “jojowain o totropahin.”
Pinili ni Cristine sina Sam Milby at Zanjoe Marudo “na jojowain.”
Totropahin naman para sa kanya sina RK Bagatsing, Marco Gumabao, Xian Lim at Gerald Anderson. At kung pwede raw na “both” si Coco Martin. Nang tanungin ni Kuya Boy ang aktres kung bakit “totropahin” niya si Marco, ang sagot nito ay: “Ang bata pa ni Marco.”
Sabay dugtong ng: “Ano ako, cougar?”
Kaya naman nagulat ang netizens nang kumalat sa social media ang sweet photos ng dalawa na magkasama sa isang beach resort.
Lalo pa at kinumpirma ni Marco sa kanilang cozy photos na nilagyan nito ng caption na: “my home and my adventure.”
