Arestado ng mga tauhan ng Manila Police District -Police Station 7 ang Isang 22- anyos na lalaking nanloob sa bahay ng Isang hairstylist kahapon ng madaling araw sa Tondo, Maynila.
Nahaharap sa kasong theft ang suspek na si Mark Nuguid alyas ‘Mac-Mac’, miyembro ng Commando Gang at taga No.1775 KBS Compound, Kapanalig Street, Caloocan City.
Sa reklamo ng biktimang si Bernabe Lopez, 38, ng No. 785 Almario St., Tondo, Manila, nasa kasarapan siya ng pagtulog nang pasukin ng suspek ang kanyang bahay na naiwan niyang nakabukas ang pinto alas- 2:30 ng madaling araw.
Nakuha umano ng suspek ang kanyang cellphone,. driver’s license, cash na P3, 000 at Isang pares ng mamahaling tsinelas.
Nang magising ang biktima at nakitang nawawala ang kagamitan ay nagtanong sa labas kung may nakita silang pumasok sa kanyang bahay .
Itinuro naman ng mga concerned citizens na ang suspek ang nakitang pumasok at lumabas sa kanyang bahay kaya kaagad niya itong inireklamo sa PS 7.
Nagsagawa naman ng follow-up operation ang mga pulis kung saan naaresto ang suspek.
Nabawi sa mga pulis ang tsinelas ng biktima pero hindi na nabawi ang cellphone at. pera.
Sinampahan ng kasong theft sa Manila Prosecutor’s Office ang suspek.
