OPISYAL nang itinalaga ni Pangulong Ferdinand Bongbong Marcos Jr., si Army Major Gen Crespillo Steve Crespillo bilang bagong pinuno ng AFP Western Mindanao Command ( WestMinCom)
Hinirang ni Pangulong Marcos si Major General Steve D Crespillo bilang ika 17th Commander ng Westmincom .
Sinasabing tamang tama ang pagkakahirang kay Mgen Crespillo sa plano ng pamahalaan na higit pang palakasin ang puwersa at operasyon sa nasasakupang area sa Mindanao.
Nabatid na nagsilbi na si Crespillo bilang WESTMINCOM Chief of the Unified Command Staff, na sumusubaybay sa military operations sa Zamboanga Peninsula, Northern Mindanao, at areas saklaw ng BARMM.
Hahalinhan ng heneral si Lt General Roy Galido na siya na ngayong nanunungkulan bilang Philippine Army commanding general.
Si MGen Crespillo ay miyembro ng Philippine Military Academy’s “Bigkis Lahi” Class of 1990.
Nabatid na responsible si Crespillo sa pagsawata sa communist armed conflict sa Apayao at Cagayan ng pamunuan niya ang 501st Infantry Brigade.
Bilang kasalukuyang Vice Commander ng Philippine Army, siya ang tumatayong chairperson sa ibat ibang boards and committees ng Philippine Army, at siya rin ang namamahala sa mga oversight functions patungkol sa key policies, plans, and programs ng hukbong katihan.
“MGen Crespillo was also designated as Chief of Staff and Assistant Division Commander for Reservist and Retiree Affairs of the 6th Infantry Division, and Acting Commander of the 601st Infantry Brigade,” dagdag pa ni Col Xerxes Trinidad, Army Public Affair chief.
