Dinakip mismo sa loob ng kanyang pinagta-trabahuhan na First Unity Textile company ang isang accounting clerk na wanted sa kasong estafa, kamakalawa ng hapon sa 168 Quirino Hi-way, Baesa, Quezon City.
Kinilala ni PMAJ Cicero Pura, Assistant Chief, Manila Police District (MPD) DSOU, ang suspek na si Claro Ferrer, 44 , accounting clerk at residente ng no. 16 D – Nay Isa St , Project 4, Quezon City.
Ang suspek ay inaresto,alas-.3:30 ng hapon sa nabanggit na lugar sa isinagawang Simultaneous Anti-Criminality Law Enforcement Operation (SACLEO) at sa bisa ng Warrant of Arrest sa kasong estafa na inisyu ni Presiding Judge Erlinda Nicolas-Alvaro ng Las Piñas RTCBranch 198.
Inirekomenda ng korte ang P16,000 para sa pansamantalang kalayaan ng suspek.
Si Ferrer ay nasa ’15 Most Wanted Person’ sa District Level. (Arsenio Tan)
