Nahaharap sa patung-patong na kasong isinampa ng National Bureau of Investigation – Anti Organized and Transnational Crime Division (NBI-AOTCD) sa Department of Justice (DOJ) ang walong Tsinoy at isang Pilipino dahil sa pagbebenta ng mga pekeng resibo.
Kabilang sa mga kinasuhan sina Bernard Lu Chong, Alaine Margaret Chua Chong, Jay Antonio Chua, Marc Eugene Sy, Mathew Haw, Emerson Chua Tan, Chester Ong Caw, Alexander Lao ,Noel Bonggat at 22 empleyado na kasabwat umano nila
Ang mga suspek ay sinampahan ng kasong falsification of commercial documents sa ilalim ng Article 172, paragraph 1ng RPC in relation to R.A. 10175, Fraudulent Conduct of Business under R.A. 11232, Acting as Intermediaries for Graft and Corrupt Practices under R.A. 11232, at Printing of Fraudulent Receipts or Sales o Commercial Invoices sa ilalim ng National Internal Revenue Code (NIRC) in relation to R.A. 10175.
Ang operasyon ng NBI-AOTCD ay isinagawa matapos na makakuha ng ‘Warrant to Search, Seize and Examine Computer Data (WSSECD) against the target company for production of fraudulent commercial receipts and sales invoices’ na sunasakop sa kaduda-dudang sales transactions gamit ang.mga ghost company at dummy.
Nabatid na ang mga resibo at invoices ay binibili ng malaking taxpayer corporation kapalit ng bayad na 0.4% hanggang1.25% ng kabuuang halaga ng binili para maiwasam ang pagbabayad ng buwis sa gobyerno.
