Humihirit na maging regular ang may 700,000 government contractual workers.
Sa ginanap na ‘lunchtime protest’ sa harap ng gusali ng Department of Budget Management (DBM) office sa Maynila,iginiit ng Kawani Laban sa Kontraktwalisasyon (KALAKON) at ng Confederation for Unity, Recognition and Advancement of Government Employees (COURAGE), para i-revoke ang polisiya na hadlang sa kanilang kalagayan.
Tinutulan rin ng grupo ang polisiya na Joint Circular No. 2 S. 2020 ng DBM at ng Commission on Audit (COA), na sila ay mga sub-contractual workers lamang ng gobyerno sa pamamagitan ng third-party manpower agencies.
Kinondena rin ng grupo ang mga polisiya gaya ng devolution, privatization, at ang rightsizing plan ng administrasyong Marcos na magreresulta sa ” mass layoffs ‘ ng government workers,partikular na ang contractual, job order, at contract of service workers.
“This administration should fill up vacant positions in government which now number to 169,688 according to the DBM and use the positions for the regularization of contractual workers, as President Ferdinand “Bongbong” Marcos Jr. promised at the beginning of his term,” ayon kay Roxanne Fernandez ng KALAKON.
Samantala, nagpahayag naman ng pagkadismaya si COURAGE Secretary- General Manuel Baclagon dahil sa kawalan ng aksiyon ng gobyerno sa panawagan na itaas ang suweldo ng mga kawani ng gobyerno, regularization at pag respeto sa karapatan ng public union. (Jantzen Tan)
