Sugatan ang isang 67-anyos na matandang babae matapos na mabundol ng isang Nissan Navarra pick-up habang tumatawid sa pedestrian lane,kamakalawa ng gabi sa may intersection ng M.H Del Pilar Street corner Pedro Gil Street,Ermita,Maynila.
Isinugod sa Philippine General Hospital (PGH),ang biktimang si Dulce Liwanag, liason officer at nakatira sa 42A Dayap Street Western Bicutan Taguig City.
Sa imbestigasyon ni PCpl John Patrick Ted C Mañaol ng Manila District Traffic Enforcement Unit (MDTEU).naganap ang insidente alas-7:45 ng gabi sa nabanggit na lugar.
Binabagtas umano ng suspek na si Mhark Jay Nidoy, company driver, ng L4 B4 Havilah Residences, Pagdaraoan, San Fernando, La Union ang southbound lane ng MH Del Pilar Street at pagsapit sa nabanggit na lugar ay kumaliwa ito at dun nahagip ang biktimang tumatawid sa pedestrian lane nang mga oras na iyon.
Natumba umano ang biktima at kaagad isinugod sa pagamutan.
Nahaharap naman sa kasong reckless imprudence resulting in physical Injury ang suspek. (Philip Reyes)
