450 PDLs sa NBP, inilipat sa IPPF

By: JANTZEN ALVIN

Inilipat ng Bureau of Corrections (BuCor) ang may 450 persons deprived of libertY (PDLs) sa Iwahig Prison and Penal Farm (IPPF) sa Puerto Princesa, Palawan bilang bahagi ng programa paluwagin ang mga bilangguan sa bansa.


Ayon sa Bucor, 396 sa naturang bilang ay nagmula sa medium security compound, apat mula sa maximum security compound ng New Bilibid Prison (NBP) sa Muntinlupa at 50 mula sa Correctional Institution for Women (CIW) sa Mandaluyong.

Ayon kay BuCor Director General Gregorio Pio Catapang, Jr. nasa may 1,500 PDLs na ang nailipat sa ibang bilangguan tulad ng Sablayan Prison and Penal Farm sa Occidental Mindoro.

Ang naturang hakbang ay bahagi ng paghahanda ng BuCor sa pagsasara ng NBP at CIW sa taong 2028.


Nabatid na iku-convert umano sa commercial hub at government center ang NBP.

“We really need to close NBP since it is no longer practical for us to stay here where high-end residential subdivisions are now located and the residents around the area are apprehensive and fear for their safety should a prisoner escape,” ayon kay Catapang.


Bukod sa pagpapaluwag ng kulungan, nagpapatupad rin ang BuCor ng “Oplan lipatan” para mailayo ang mga PDL na may ilegal na aktibidad.


Tags: Bureau of Corrections (BuCor)

You May Also Like

Most Read