Nasa 44 milyon doses na ang hindi napakinabangan na COVID-19 vaccines sa bansa.
Ito ang kinumpirma ni Department of Health Officer- In -Charge Maria Rosario Vergeire sa ginanap na forum sa tanggapan ng DOH sa Maynila.
Nabatid na sa nabanggit na bilang ,24.6 milyon doses ay iyong mga nasira dahil nag-expire; 2.8 milyon naman ang nasira dahil sa kalamidad at problema sa storage facility at 12 milyon doses ang inaalam pa kung papaano nasayang.
Sinabi ni Vergeire na ang nasayang ay 17.5% lamang ng kabuuang COVID-19 vaccines na pumasok sa bansa.
Napag-aaman na 75% dito ay iyong mga binili ng pribadong sector at local government units (LGUs), 5% ay donasyon sa bansa at 2% naman ang binili ng gobyerno.
Muli ,hinikayat ni Vergeire,ang mga Pilipino na hindi pa bakunado na magpabakuna na. (Jaymel Manuel)
