May 400 personnel ang nakatakdang i-recruit sa National Bureau of Investigation (NBI) sa 2024, kabilang na ang 120 agents bilang bahagi ng expansion ng kagawaran.
Ito ang kinumpirma ni NBI Director Medardo de Lemos sa ginanap na selebrasyon ng 87th Founding Anniversary ng NBI.
“The Senate, with the support of the Department of Justice and its allies in the Senate, has allocated a budget of P91 million for the salaries of our new NBI staff,” ayon kay de Lemos.
Bukod pa ito sa ginawang pagkatig ng House of Representatives sa karagdagang P19 milyon para sa training ng mga bagong agents.
Nagpahayag rin ng kasiyahan si De Lemos dahil nagkaroon ng katuparan ang konstruksiyon ng bagong gusali ng NBI.
“Previous NBI leaders aspired to have a new building or a new NBI headquarters. This has been a longstanding advocacy. After a considerable wait, it has now come to fruition,” ani de Lemos.
Nabatid na inaprubahan ng Department of Budget and Management (DBM) ang P2.4 bilyong budget para sa konstruksiyon ng bagong gusali ng NBI.
