Inihayag ng Lung Center of the Philippines (LCP) na umaabot sa 321 tao ang namamatay kada araw dahil sa tobacco-related diseases.
Ayon naman sa World Health Organization (WHO), nasa mahigit walong milyon tao ang namamatay kada taon worldwide, habang.mahigit pitong milyon naman ang nasasawi dahil sa direktang paggamit ng sigarilyo at may 1.2 milyong hindi naninigarilyo ang namamatay dahil sa second-hand smoke.
Nitong Martes, may 321 pares ng sapatos at tsinelas na pag-aari ng mga nasawi sa panjnigarilyo ang idinisplay sa LCP lobby para sa paggunita ng ” World No Tobacco Day” na bukas sa viewing habggang Hunyo 3.
“Every day, 321 Filipinos die because tobacco companies continue to sell and market their addictive and deadly products,” ayon kay Dr. Glynna Ong-Cabrera, LCP Smoking Cessation Program manager at Department of Health (DOH) Quitline project director.
“Tobacco products are designed to make it difficult for smokers to quit, putting them at risk to develop tobacco-related diseases which may eventually lead to death,”dagdag pa ni Cabrera.
Ayon sa public interest law group ImagineLaw, co-organizer ng art installation, ang mga kumpanya ng tobacco ay umunlad dahil sa addiction at kamatayan.
Nanawagan rin si Atty. Sophia San Luis, executive director ng grupo, sa susunod na administrasyon na.maging mapagmatyag sa isyu. (Anthony Quindoy)
