Tatlong katao, kabilang na ang isang babae, ang inaresto ng mga tauhan ng Manila Police District – Station 3 sa isinagawang buy-bust operation kahapon ng madaling araw sa Sta. Cruz, Maynila.
Nasa kustodiya ng MPD-PS 3,ang mga suspek na sina Allyzon Lei Buenviaje, 24; Jayson Balaton, 36 at Dennis Mansilla, 49, matapos maaresto alas -12:15 ng madaling araw sa kanto ng Alvarez at Milagros Streets sa Sta.Cruz, Maynila.
Isang pulis ang nagpanggap na buyer at nang magkaabutan ay saka inaresto, ang mga suspek.
Nasamsam sa mga suspek ang apat na sachet ng shabu na nagkakahalaga ng P27,200.at isang P500 marked money.
Ang mga suspek ay sinampahan ng kasong paglabag sa RA 9165 o Dangerous Drugs Act of 2002 sa Manila Prosecutor’s Office.
