Itinalaga ni Pangulong Ferdinand Marcos, Jr., ang tatlong bagong Justices na unang appointment niyang ginawa sa hudikatura.
Kabilang na sina Regional Trial Court Judges Selma Palacio Alaras at Wilhelmina Jorge-Wagan na itinalaga bilang bagong Justices sa Court of Appeals.
Pinalitan nila ang binakanteng puwesto nina dating CA Associate Justices Gabriel Ingles at Edgardo Camello, habang itinalaga naman bilang bagong Associate Justice sa Court of Tax Appeals si Supreme Court Fiscal Management and Budget Office chief Corazon Ferrer-Flores.
Pinalitan niya ang binakanteng puwesto ni dating CTA magistrate Juanito Castañeda.
Ang tatlong appointees ay nanumpa kay SC Chief Justice Alexander Gesmundo. (Anthony Quindoy)
