Nadakip ng mga tauhan ng Manila Police District-Drug Enforcement Unit (MPD-DEU) sa isinagawang buy-bust operation ang dalawang notoryus na pusher, kahapon ng madaling araw sa Tondo, Maynila.
Nasa kustodiya ng MPD-DEU ang mga suspek na sina Emmanuel Santos,37 at taga 3165 Interior 2 Pilar St., Corner Hermosa St., Tondo ; at Muchael Leyson,43,at taga 3145 Interior 4, Pilar St., Tondo.
Nabatid kay PSMS Eric Guzman,ng MPD-DEU, alas 12:20 ng.madaling araw nang maatesto ang mga suapek sa may Pilar St., Corner Hermosa St., Tondo, Maynila.
Isa umanong pulis,ang nagpanggap na poseur buyer at nang magka-abutan ay saka inaresto ang mga suspek.
Nakuha sa mga suspek ang tatlong sachet ng shabu na tumitimbang ng 3.80 gramo at may street value na P25,840 at ang P500.marked money.
Sinampahan ng kasong paglabag sa RA 9165.o Comprehensive Dangerous Drug Act of 2002 sa Manila Prosecutors ,ang mga suspek. (Philip Reyes)
