Dalawang indibidwal na diumanoβy miyembro ng Communist Party of the Philippines – New Peopleβs Army (CPP-NPA) at siya umanong nangongolekta ng ‘revolutionary funds’ at gumagastsos para sa terorismo ang ipinagharap ng kaso ng Department of Justice (DOJ).
Ang kaso ay isinampa sa Batangas City Regional Trial Court (RTC) ng DOJ, matapos umanong makakita ng matibay na ebidensiya para sila ay ipagharap ng mga kasong paglabag sa Section 8 ng Terrorism Financing Prevention and Suppression Act of 2012.
Sina Leonor Taguinod Dumlao at Valentine Cruz Tolentino ay kinasuhan base sa preliminary investigation na isinagawa nila sa reklamong inihain ng Philippine National Police-Criminal Investigation and Detection Group (PNP-CIDG).
Diumano, ang mga akusado ay miyembro ng National Finance Commission ng CPP-NPA at siya umanong nangongolekta ng pera mula sa mga pribadong kumpanya at mga negosyante.
Bukod diyan, sila rin ang itinuturong nasa likod ng pagbuo ng National Economic Striking Force (NESF) ng CPP/NPA na nagsisilbing security ng βRebolusyonaryong Buwis sa Kaaway na Uri.β
βWe will never let even an inch of terrorismβs tyranny sow fear among our citizens, much more let the cowards behind this menace run free. This is a time when we Filipinos should fortify our resolve and show our resilience in fighting this evil. If proven guilty, we will not let them go unpunished, β ani Justice Secretary Jesus Crispin Remulla.
Nakatanggap rin umano ang mga pulis ng impormasyon na ang dalawang akusado ay nag-iingat ng mga baril at wala nang walang definite na source of income o layunin, ayon sa DOJ.
Base sa pagkumpirma ng impormasyon, kumuha ng search warrant ang mga awtoridad mula sa hukuman sa tulong ng National Bureau of Investigation (NBI) at ng Intelligence Service of the Armed Forces of the Philippines (ISAFP), at ito ay nagbunga sa pagkakaaresto ng dalawa.
Nakuha mula sa kanilang pag-iingat ang malaking halaga ng pera, mga baril, bala, improvised explosive devices (IEDs) at IED components.
