Arestado ng mga tauhan ng Manila Police District-Police Station 11, ang dalawang miyembro ng Commando gang sa isinagawang buy-bust operation kamakalawa ng hapon sa Binondo, Maynila.
Kinilala ni Cpl Dharvin Dela Rama ng MPD-PS 11 ang mga suspek na sina Rico Enriquez,40, ng C.M. Recto Ave., Sta. Isabel Tondo ; at Jeric Belarmino,28, ng 316 Angalo St., Binondo, kapwa miyembro ng Commando gang at mga nasa drug watchlist.
Nabatid na alas-5:20 ng hapon nang ikasa ng mga pulis ang operasyon laban sa mga suspek sa Sevilla corner Lara Streets, Brgy. 283, Binondo, Maynila.
Nakumpiska sa mga suspek ang apat na sachet ng shabu na may street value na P40,800.
Kapwa sinampahan ng kasong paglabag sa RA9165.kilala bilang Comprehensive Dangerous Drug Act of 2002. (Philip Reyes)
