Arestado ng pinagsanib na tauhan ng Manila Police Disgrict-Police Station 14 at Phlippine Drug Enforcement Unit (PDEA), ang dalawang babaeng Muslim sa isang buybust operation kamakalawa ng hapon sa Quiapo,Maynila.
Nakumpiska ang may 670 gramo ng shabu na may street value na P4.5 milyon sa mga suspek na sina Monera Malido,alyas madam at Jalila Banggolo,kapwa nasa hustong gulang.
Isinagawa ang buybust operation alas-3 ng hapon sa kanto ng A. Bautista at Hidalgo Streets sa Quiapo, Maynila.
Napag-alaman na isang pulis ang nagpanggap na buyer at nang magkaabutan ay saka inaresto ang dalawang babae.
Nakuha rin sa mga suspek ang 17 sachet ng shabu at P500 marked money
Sinampahan ng kasong paglabag sa RA 9165 o Comprehensive Dangerous Drug Act of 2002 sa Manila Prosecutors Office ang mga suspek.
