By: JANTZEN ALVIN
INIHAYAG ng Korte Suprema na nasa kabuuang 183 examinees ang pumasa sa idinaos na 2024 Shari’ah Bar Examinations (SBE) kamakailan lamang.
Napag-alaman kay Supreme Court Associate Justice Maria Filomena D. Singh, na siya ring chairperson ng 2024 SBE, ang naturang bilang ay 21. 45% lamang ng 853 examinees na kumuha ng kauna-unahang digitalized at regionalized special exams para sa Shari’ah courts.
Kabilang sa top 10 passers ng pagsusulit ay sina Punginagina, Nurhaifah Hadji Said (86.75%), Gubat, Sittie Nasriyyah Gani (86.10%), Alonto, Sittie Fairoza Yahya (86.02%), Suwalawan-Hadjinoor, Jonaina Diamla (85.57%), Mambuay, Ayesha Aminah Alonto (85.35%), Usodan, Fatimah Sohra Lucman (85.10%), Acmad, Aznairah Orpilla (84.87%), Barapangcat, Abdulwasi Aleem (84.40%), Abdulmalik, Saaduddin Sharief (84.30%), Al-Namit, Maria Belen Arceno (83.75%), at Said, Normalah Pangcoga (83.75%).
Samantaya ay kabilang naman sa 2024 SBE examiners ay sina Dean Norhabib Bin Suod S. Barodi (Persons, Family Relations and Property), Atty. Yaser H. Apion (Jurisprudence [Fiqh] and Customary Laws [Adat]); Judge Macaundas M. Hadjirasul (Procedure in Shari’ah Courts), at Judge Jamel T. Mamutuk (Succession, Wills/Adjudication and Settlement of Estate).
Sinabi ni Singh na ang oath-taking at Roll Signing Ceremonies ng matagumpay na SBE passers ay idaraos sa Agosto 14, 2024 sa Manila Hotel.
Ang 2024 SBE ay idinaos noong Abril 28 at Mayo 2 sa dalawang local testing centers, na kinabibilangan ng Ateneo de Davao University sa Davao City at sa University of the Philippines Diliman sq Quezon City. Ang susunod na SBE ay gaganapin sa 2025, sa pamumuno ni Associate Justice Antonio T. Kho, Jr.
