May 13 checkpoints ang ikinalat ng Manila Police District(MPD) sa iba’t ibang panig ng Maynila bilang bahagi ng seguridad sa inagurasyon ngayon araw (Hunyo 30) ni President-elect Ferdinand Marcos Jr. sa may National Museum sa Maynila.
Nabatid na sa MPD-Public Information Office, kabilang sa mga lugar na lalagyan ng checkpoints ang: Brgy 101 sa Mel Lopez Blvd; H. Lopez Blvd. sa Tondo; Juan Luna St. sa Tondo; Blumentritt malapit sa kanto ng Dimasalang St. sa Sta. Cruz; España Blvd. cor Blumentritt Extn.; at R.M. Blvd. corner Altura Street sa Sampaloc.
Gayundin sa New Panaderos St., city limit sa harap ng MC Donalds; Rizal Avenue corner R. Papa; Lubiran Bridge, Lubiran St., Bacood; Pinaglaban bridge; Roxas Blvd., malapit sa kanto ng P. Ocampo St.; Taft Ave., Corner P. Ocampo; at 2nd street Brgy. 649 Baseco Compound, Port Area.
Bukod pa ang pagsasara ng mga lansangan at pagtatatag ng mga traffic re-routing scheme ang Metropolitan Manila Development Authority (MMDA).
Nabatid na ang maging ang mga miyembro ng media na magko-kober ng inagurasyon ay naging mahigpit rin dahil sa kinailangan pa ng akreditasyon at negatibong RT-PCR test bago makapasok sa lugar. (Carl Angelo)
