May 10 indibidwal ang nagpo-positibo sa Human Immunodeficiency Virus (HIV) sa government-owned Zamboanga City Medical Center (ZCMC), isang treatment hub para sa HIV patients sa Zamboanga.
Ito ang ibinulgar ni Dr. Sebar Sala, officer- in- charge ng ZCMC Treatment Hub na siyang nagsasagawa ng confirmatory test sa mga pinaghihinalaang may HIV.
“We can immediately determine whether a patient is HIV positive or not,”ani Saka.
Nabatid na noong nakalipas na panahon ay tumatagal ng hanggang isang buwan bago malaman ang resulta ng ipinadalang specimen para sa Sexually Transmitted Diseases – Acquired Immunodeficiency Syndrome (STD-AIDS) Cooperative Center Laboratory sa San Lazaro Hospital.
Sinabi ni Sala na sa kasalukiyan, umaabot sa lima hanggang walong pinaghihinalaan na may HIV ang ginagamot sa ZCMC hub araw-araw.
“We have the lowest number of cases in terms of positivity rate because we do not reach one patient per day,” dagdag ni Sala pero hindi naman nito kinumpirma kung ilangbpasyenye na ang positibo sa HIV.
Hindi naman umano ‘death sentence’ ang HIV at kailangan lamang ay ma-detect ito ng mas maaga. (Philip Reyes)
