Inimbitahan ni Mayor Honey Lacuna ang mga Manilenyo na naghahanap ng trabaho na makilahok sa idaraos na ‘Mega Job Fair’ sa Biyernes,Pebrero 24,2023 sa Delpan Sports Complex sa Binondo,Maynila.
Ayon kay Lacuna, ang naturang job fair na inorganisa ng Manila Public Service Employment Office (PESO) ay magsisimula alas-9 ng umaga hanggang alas-5 ng hapon.
Ayon kay PESO Director Fernan Bermejo, ang job fair ay ipatutupad ng lokal na pamahalaan ng Maynila sa pakikipag-ugnayan sa Department of Labor and Employment – National Capital Region at Department of Labor and Employment- National Capital Region Manila Field Office.
Pinaalalahanan rin ng alkalde ang mga job seeker na magdala ng sarili nilang ballpen,magsuot ng casual na damit at magdala ng hanggang 10 kopya ng resume.
Ang mga iaalok na trabaho ay para sa high school,vocational at college levels. (JERRY S. TAN)
